№	Бүлэг	Хүүхдийн тоо
1	Бага (2 нас 2020 он)	25
2	Дунд (3 нас 2019 он)	5
3	Ахлах (4 нас 2018 он)	5
4	Бэлтгэл (5 нас 2017 он)	5

 

 

3.3 Эцэг эхтэй байгуулах гэрээтэй танилцаж, хүлээн зөвшөөрсөн эсэх тухай хариу ирүүлэх

Суудлаа баталгаажуулж, төлбөрөө шилжүүлснээс хойш ажлын 5 өдрийн дотор бүртгүүлсэн цахим шуудангийн хаягаар эцэг эхтэй байгуулах сургалтын гэрээг эцэг эх, асран хамгаалагчид илгээх бөгөөд гэрээтэй уншиж танилцаад зөвшөөрсөн, татгалзсан тухай хариуг ирүүлнэ.

3.4. Гэрээг биечлэн байгуулах, бүртгүүлэх

Гэрээтэй танилцаж хүлээн зөвшөөрсөн  хариу ирүүлсэн эцэг эх, асран хамгаалагч нь тухайн жилийн 05.02-ний өдрөөс 05.06-ний өдрүүдэд Бяцхан монгол цэцэрлэгт өөрийн биеэр ирж гэрээг байгуулж, хүүхдийн дэлгэрэнгүй анкетыг бөглөнө. Гэрээ байгуулахаар ирэхдээ дараах бичиг баримтыг  авч ирнэ.

• Хүүхдийн төрсний гэрчилгээ эх хувь, хуулбар
• Эцэг, эхийн иргэний үнэмлэхний хуулбар
• Хүүхдийн 2 хувь цээж зураг

3.5. Сургалтын төлбөрийн үлдэгдлийг төлөх

2022 оны 11-р сарын 01 (жилийн сургалтын төлбөрийн үлдсэн 50 хувийг төлнө)

Төлбөр цэцэрлэгийн дансанд орсон эсэхийг лавлахыг хүсвэл 88119961 (Ерөнхий Нябо З.Энхмаа) дугаарт зөвхөн мессеж илгээж лавлана. Дуудлага хүлээн авахгүй болно.

ДӨРӨВ:  ХИЧЭЭЛИЙН ШИНЭ ЖИЛД БЭЛТГЭХ

4.1 Хичээлийн шинэ жилийн нээлт

Цэцэрлэгийн нээлттэй холбоотой зарыг 2022.08-р сарын 15-ны дотор www.byatshanmongol.mn цахим хуудас болон “Бяцхан монгол цэцэрлэг” фэйсбүүк хуудсаар мэдээлнэ.

4.2 Хичээлийн жилийн эхний өдөр авч ирэх зүйлс

• Цагаан хорхой, шээсний шинжилгээ авч ирнэ. 3-р шатлалын эмнэлгийн итгэмжлэгдсэн баталгаат лабораторид шинжилгээ өгсөн байна. Хичээл эхлэхийн өмнөх 3 хоног дотор өгсөн шинжилгээний хариуг хүчинтэйд тооцно.  Дурдсан шинжилгээг бүрдүүлээгүй хүүхдийг 09 сарын 01-ний өдөр хүлээн авах боломжгүй тул анхаарах.
• Усны сав
• Унтлагын хувцас (цэцэрлэгийн эхний өдөр авч ирээд 14 хоногт 1 удаа ор хөнжлийн даавууны хамт угааж, индүүдэж авч ирэх)
• Ангийн хувцас  (өдөр бүр солих хувцасыг цүнхэнд хийж явуулах)
• Ангийн шаахай (цэцэрлэгийн эхний өдөр авч ирээд өөрийн таних тэмдэг бүхий шүүгээнд үлдээх)
• Нусны алчуур (өдөр бүр цэвэр алчуур сольж өгч явуулах)
• Шүдний сойзны тухай (тусгай үстэй нарийн, жижиг сойз хэрэглэдэг бол бэлдэж ирэх)
• Ангид өмсөх гутал хөлд эвтэйхэн, чийг татахааргүй гутал сонгохыг санал болгож байна.
• Охидын гоёл зүүлт тасарч хөврөх, түүнийг хүүхэд үмхэх залгих, хамрын салстад чихэх зэрэг эрсдэл учирч болзошгүй байдаг тул хүүхдэд нэмэлтээр янз бүрийн гоёл, чимэглэл ээмэг бугуйвч, зүүлт бөгж зүүлгэхгүй байх
• Хүүхдэд тоглоом, чихэр амттан өгч явуулахгүй байхыг хатуу анхаарах
• Хичээлийн жил эхэлснээс хойш эцэг эх, асран хамгаалагч нар цэцэрлэгийн дотоод журам, цагийн хуваарь, эцэг эхтэй байгуулсан гэрээний үүргийг чандлан мөрдөх
• Хүүхдийн цүнх
• Ор, хөнжлийн даавуу (цэцэрлэгээс өгсөн даавууг угааж индүүдэж авч ирэх )

 

ТАВ: БУСАД Эцэг эх, асран хамгаалагчдын зүгээс байнга ирдэг асуултын тухай цэцэрлэг эцэг эх, асран хамгаалагчтай байгуулах гэрээнд дараах байдлаар тусгасан байна.

Хөл хорио тогтоосон үед сургалтыг хэрхэн зохион байгуулах тухай

• Сургалтыг танхимыг болон цахим хэлбэрээр зохион байгуулна.  (Бяцхан монгол дөрвөн улирлын цэцэрлэг эцэг эх, асран хамгаалагчтай байгуулах гэрээ 2.1.1)
• Гамшиг, аюулт үзэгдлийн улмаас төрийн эрх бүхий байгууллагаас онц байдал зарлаж гамшиг, онц байдлын үеийн хорио цээрийн дэглэм тогтоож цэцэрлэгийн үйл ажиллагааг түр болон тодорхойгүй хугацаагаар зогсоосон тохиолдолд хорио цээр тогтоож танхимын сургалт үйлчилгээ үзүүлэх боломжгүй болсон хугацааны сургалтыг цахим хэлбэрт шилжүүлнэ. (6.6.1)
• 6.6.1-т заасан нөхцөлд бүх хүүхэд цахим сургалтад хамрагдана. Цахим сургалтад хамрагдаагүй тохиолдолд гэрээ цуцалж, хүлээлгийн жагсаалт дахь дараагийн хүүхдийг элсүүлнэ. (6.6.2)
• 6.6.3   Цахим сургалтын сарын төлбөр нь 400.000 төгрөг байна. (6.6.3)

 

Дугуйлангийн тухай

• Хүүхдийн авьяас, чадварыг нээн хөгжүүлэх зорилгоор цэцэрлэгээс зохион байгуулах дугуйланд хамрагдах, эс хамрагдах эрхтэй бөгөөд хүүхэд бүр нэг дугуйлан сонгох боломжтой.(2.1.2)

 

Бяцхан монгол цэцэрлэгээс Ерөнхий боловсролын Шинэ Монгол болон Шинэ Монгол- Харүмафүжи сургуульд элсүүлэх боломжтой эсэх

• “Бяцхан Монгол” дөрвөн улирлын цэцэрлэг нь одоо суралцаж буй болон шинээр элсэгч, үргэлжлүүлэн дэвшин суралцах хүүхэд, тэдний гэр бүл, эцэг эхчүүдийн өмнө аливаа байдлаар Ерөнхий боловсролын Шинэ Монгол болон Шинэ Монгол-Харүмафүжи сургуульд элсүүлэх үүрэг, хариуцлага ямар ч тохиолдолд хүлээхгүй.(6.1)

 

Бүртгэлтэй холбоотой асуудлаар цэцэрлэгийн фэйсбүүк хуудасны захидал хэсэгт хандана. Утсаар холбогдох тохиолдолд ажлын өдрүүдэд, ажлын цагаар Бяцхан Монгол 1 салбар- Утас : 76117676, 99908981, Бяцхан Монгол Дөрвөн улирал салбар- 75117575, 88890072 утсаар тус тус холбогдоно.

 

БЯЦХАН МОНГОЛ ЦЭЦЭРЛЭГИЙН ЗАХИРГАА