Бяцхан Монгол

Бидний тухай Ерөнхий танилцуулга

“Бяцхан монгол” цэцэрлэгийн албан ёсны веб хуудаст зочилж буй эрхэм Танд энэ өдрийн мэнд хүргье.

"Бяцхан монгол" цэцэрлэг нь 2016 оны 9-р сарын 1-ний өдөр "Шинэ монгол" Эрдмийн хүрээлэнгийн дэргэд үүсгэн байгуулагдсан. 2017-2018 оны хичээлийн жилд 100 ортой (4 бүлэг) Бяцхан монгол дөрвөн улирлын цэцэрлэгийг ашиглалтанд оруулж 270 гаруй хүүхдэд сургуулийн өмнөх боловсролын үйлчилгээ үзүүлж байна.

2019 оны 09 сарын байдлаар

Бяцхан монгол цэцэрлэг бага, дунд, ахлах, бэлтгэл, холимог гэсэн нийт 6 бүлэгт 150 гаруй хүүхэд, 25 багш, ажилтантай.

Бяцхан монгол дөрвөн улирлын цэцэрлэг бага, дунд, ахлах, бэлтгэл гэсэн 4 бүлэгт 100 гаруй хүүхэд, 24 багш, ажилтантайгаар үйл ажиллагаа явуулж байна.

Сургуулийн өмнөх боловсролын мэргэжлийн багш нараас бүрдсэн, нийт багш нарын 90 гаруй хувь нь боловсролын тэргүүлэх болон заах аргач зэрэгтэй байна.

“Бие чийрэг, билиг их, сэтгэл зөв шинэ монголын үрсийг бид бэлтгэнэ” гэсэн хэтийн зорилгынхоо төлөө бид өдөр бүр хамтдаа шинийг эрэлхийлэн суралцаж, хөгжиж, багшийн ёс зүйг эрхэмлэн сахиж, хүсэл эрмэлзэл дүүрэн хичээнгүйлэн ажиллаж байна.

ХЭТИЙН ЗОРИЛГО ...

Бие чийрэг

Билэг их

Сэтгэл зөв шинэ Монголын үрсийг бид хүмүүжүүлнэ.

ЭРХЭМ ЗОРИЛГО

Хүүхдийн хэрэгцээнд тулгуурласан хүртээмжтэй, чанартай, үр ашигтай, цогц үйл ажиллагаагаар хүүхдийн бие бялдар, оюун ухаан, нийгэмшихүйн хөгжлийг дэмжихэд чиглэгдэнэ.

ҮНЭТ ЗҮЙЛС ...

➡️ Хүүхдийг хайрлах зүрх сэтгэл: Эцэг, эхийн сэтгэлээр хүүхдэд хандаж эерэг дулаан харьцааг бий болгон уйгагүй хөгжүүлж, хүмүүжүүлдэг

➡️ Мэргэшсэн чадавхи: Мэргэжлийн өндөр ур чадвартай, гүйцэтгэлээ дүгнэж тасралтгүй өөрийгөө болон бусдыг хөгжүүлдэг

➡️ Хариуцлагатай байдал: Үүрэгт ажилдаа хариуцлагатай хандаж, мэргэжлийн ёс зүйг баримтлан ажилладаг

➡️ Багийн ажиллагаа: Зорилгодоо хүрэхийн тулд харилцан итгэлцэл, хүндлэлийг буй болгон үр дүнтэй хамтран ажилладаг

➡️ Үнэнч шударга байдал: Монгол улсын хүүль журмыг сахин дээдэлдэг, аливаад үнэнч шударга ханддаг

ХАЙР & ХҮНДЛЭЛ & ХҮСЭЛ ЭРМЭЛЗЭЛ

Мэдээ мэдээлэл

9 сарын 1-нд хүүхдүүдээ хүлээн аван цэцэрлэгийн үйл ажиллагаа эхэллээ.

Бяцхан Монгол 1, Бяцхан Монгол Дөрвөн улирал салбар цэцэрлэг 2020 оны хичээлийн жилийнхээ нээлтийг хийлээ. Боловсролын яамны сайдын түр журмын дагуу, Мэргэжлийн хяналтын газрын зөвлөмжийн үйл ажиллагаандаа даган мөрдөн ажиллаж эхэллээ.

... Дэлгэрэнгүй

48 0 2020-11-03

Ном тараалт явагдаж дууслаа.

Гаруна хэвлэлийн газраас гаргасан Бяцхан Монгол цэцэрлэгийн сурагчдад зориулсан "Зүрх, сэтгэлийн дасгал", "Хайчлах дасгал", "Дасгал ажлын ном" болон Бага бүлгийнхэнд зориулсан Акуа бүүкс номын багц цуглуулгууд тараагдлаа.

... Дэлгэрэнгүй

449 0 2020-05-22

ЭЦЭГ ЭХЧҮҮД ТА БҮХЭНДЭЭ ТЕЛЕ ХИЧЭЭЛИЙН ХУВААРИЙГ МЭДЭЭЛЛЭЖ БАЙНА. ТА БҮХЭН ТЕЛЕ ХИЧЭЭЛДЭЭ ИДЭВХИТЭЙ ХАМРАГДААРАЙ.

... Дэлгэрэнгүй

658 0 2020-02-05

Дараагийнх

ЦЭЦЭРЛЭГИЙН ХҮҮХЭД БҮРИЙГ ХӨГЖҮҮЛЭХ ҮЗЭЛ БАРИМТЛАЛ

Хүүхдийн зүрх сэтгэл, эрүүл мэнд, аюулгүй байдлыг эрхэмлэн дээдэлж, тоглох явцдаа орчиндоо зохицон, өөрийнхөөрөө аж жаргалтай хөгжих боломжийг бүрдүүлж, өөртэй итгэлтэй, хүнлэг, энэрэнгүй, бүтээлчээр тоглох чадвартай, үнэнч шударга, хөдөлмөрч хүүхэд төлөвшүүлнэ.

хоол хүнсний сургалт

“Хоол хүнс” бол хүсэл тэмүүллийн үндэс нь юм. Ажиллах хүсэл тэмүүлэл, суралцах хүсэл тэмүүлэл, найзтай болох хүсэл тэмүүлэл, мөн түүнчлэн амьдрах хүсэл тэмүүлэл ... Бүхий л хүсэл тэмүүллийн үндэс нь “хоол хүнс” юм.

тоглоом

Хүүхдийн өсөлт хөгжилд тохируулан тохиромжтой үед нь тохирсон тоглоомыг нь өгвөл хүүхэд хурдан хөгжинө. Модон тоглоомууд болон хүүхдэд зориулан гараар хийсэн тоглоомуудыг сургалтанд түлхүү ашиглана.

Тоглох

Тоглох үйл нь хүүхдийн хөгжлийн үндэс байна. Иймд хүүхэд өөрийхөөрөө тоглож хөгжих бүх л боломжит орчинг бүрдүүлэхэд анхаарна.

хөдөлгөөн

Хөдөлгөөн нь 5 мэдрэхүйг цочроож хөдөлгөөний эвслийг дээшлүүлж, тархины хөгжлийг идэвхижүүлдэг. Хүүхдэд зориулсан тусгай дасгал хөдөлгөөний програм болоh ‘Coordination training’-ийг сургалтанд нэвтрүүлэн ажиллаж байна.

Илэрхийлэл

Сайн, ур чадвартай харилцагч болж өөрийн санал бодол, хүсэл зоригийг зөв илэрхийлж, бусдад ойлгуулж сурах нь нийгмийн харилцааны үндэс болно.Тиймээс өөртөө итгэлтэй байж бусдад өөрийгөө зөвөөр ойлгуулан таниулахад бүх сургалт чиглэгдэнэ.

Сургалтын 7 чадварБЯЦХАН МОНГОЛ ХҮҮХДИЙН ЦЭЦЭРЛЭГТ ХӨГЖҮҮЛЭХЭЭР ЗОРЬЖ БУЙ 7 ЧАДВАР

ТӨСӨӨЛӨН БОДОХ ЧАДВАР

"Төсөөлөн бодохуй мэдлэгээс илүү чухал" А.Энштэйн

Орчин үед лидер хүнд байх хамгийн чухал чадвар буюу амжилтанд хүрэх түлхүүр хэмээн олонтоо ярьж бичих болсон байна. Төсөөлөх чадвар гэдэгийг энгийнээр дүрслэн бодохуй гэж ойлгож болох шинж чанарыг /өнгө хэлбэр зэрэг/ анзаардаг болно. Төд удалгүй нүдээр хараад шууд мэдэрхэд хүндрэлтэй шинж чанарыг /утга учир, хамаарал, зүй тогтол/ анзаардаг болвол маш сайн. Ингэж чадах бол ижил төстэй зүйлийг олж харах чадвар нь учир тогтолцоог анзаарах чадвар болж өөрчлөгдөнө. Энэ нь ирээдүйд хөгжилд тун чухалаар чөлөөлнө.

Гараар бодох чадвар

Гарыг хоёр дахь тархи гэдэг. Гарт оюун мэдрэмж байдаг. Хүүхдийн гарын хөгжил ч мөн “(гарын алгаараа) атгах” → “барих”→ “(хуруугаараа) чимхэх” зэргээр хөгжинө. Аливаа мэдээллийг гарын оролцоотойгоор хүлээн авснаар илүү идэвхитэйгээр, зураглал хийж тухайн мэдээллийг боловсруулдаг. Ингэснээр тухайн мэдээлэл нь мэдлэг болэ хадгалагддаг.

УРЛАГ ГОО ЗҮЙН ЧАДВАР

Урлаг бол хүний дотоод мэдрэмж, сэтгэлгээг илүү их түлхүү хөгжүүлдэг. Бие хүн хөгжиж төлөвшинө гэдэг нь бусадтай идэвхитэй харилцаж өөрийгөө зөвөөр ойлгох чадвартай болохоос гадна нийгэмд биеэ авч явах гүүр болох хувь хүний хандлаг эерэгээр тогтсон байх явдал юм. Тиймээс энэ чадварыг бага наснаас нь эзэмшүүлэх зайлшгүй шаардлагатай байдаг . Хүүхэд бүжиглэх, жүжиглэх, зурах, дуулах гэх мэтчилэн олуулаа хөгжилдөж байхдаа идэвхитэй харилцаанд орж нийгэмшдэг ба сэтгэлээ нээж, дотоод мэдрэмжээ хөгжүүлж байдаг.

ЭЕРЭГЭЭР ХАРАХ ЧАДВАР

Нийгэмд бухимдах зүйл олон бий. Аав ээжийнхээ бухимдахыг хараад хүүхдүүд ч мөн багаасаа аливаад ундууцаж, уурлан бухимдах нь харагдана. Бүх зүйлийг сөргөөр хүлээж аваад байвал хүүхдэд ирээдүйд нь сөрөг хандлагыг үзүүлж сөрөг сэтгэлгээг суурь болгоно. Сөрөг зүйлд ч мөн сайн зүйл бага боловч байдаг гэдгийг таниулж аливаад хандахдаа уужуу, ухаалаг байдлаар хүлээн авдаг болох нь ач холбогдолтой.

ӨӨРИЙГӨӨ ИЛЭРХИЙЛЭХ ЧАДВАР

Хүүхэд өөрийгөө илэрхийлэх гэдэг нь мэдрэмжээ илэрхийлэх гэж ойлгож болно. Мэдрэмжийг үгээр илэрхийлбэл сэтгэл хөдлөл болно. Сэтгэл хөдлөлийг удирдан жолоодох эхний шат нь мэдрэмжийг үгээр илэрхийлэх юм. Иймд хүүхдийн таалагдаж байна, эсвэл таалагдахгүй байна, хийхийг хүсэж байна, хүсэхгүй байна гэдгийг үгээр илэрхийлж сурах нь сэтгэлийн хөдлөлөө удирдаж сурахтай холбогдох юм.

БУСДЫГ ХҮНДЛЭХ ЧАДВАР

“Хүнийг хүндлэх чадвар” гэдэг бол чадавхи юм. Тэр тусмаа хамгийн дээд зэргийн нийгмийн ур чадвар гэж нэмж хэлмээр байна. Энэ нь дараах 3 шалтгаантай холбоотой.

1-рт “дотоод хэмжүүр”. Хэн ч байхгүй байхад дан ганцаараа шийдвэр гаргах шаардлагатай цаг үе хэзээ нэгэн цагт ирнэ. Нэгнийгээ дээрэлхэх асуудал ч үүнтэй холбоотой байж магадгүй. Шийдвэр гаргахаас зайлсхийж, зугтаалгүй асуудалтай нүүр тулахын тулд хэн нэгний туслалцаа хэрэгтэй болно. Сэтгэл доторх “дэг журам” болох “хэн нэгэн” байх, загвар жишээтэй байх нь тухайн хүнийг ганцаардлаас аварна.

2-рт. Тэрхүү “хэн нэгэн” нь мөн өөрийнх нь хүрэх зорилго болдог. Мөрөөдөл. Тиймээс ч өсөж хөгждөг.

3-рт. Асуудлаас зугтаалгүй хичээж зүтгэж хөгжих хүн маань дараа үеийн ид хичээж зүтгэж байгаа залуустаа гараа сунгана. Энэ удаа өөрөө хэн нэгний зорилго нь болно

Давуу талОНЦЛОГ ДАВУУ ТАЛ, БУСДААС ЯЛГАРАХ ШИНЖ

Эрүүл, тэжээллэг хоол хүнс

Хүүхэд нь аливаа улс нийгмийн ирээдүйн толь, маргаашийн хөгжлийн авч явах үүрэгтэй хүмүүс. Иймээс Хүүхэд багаасаа зөв хооллож сурах нь ирээдүйд эрүүл чийрэг насанд хүрсэн хүн болоход маш чухал юм. Манай хүүхдүүд хоолны ширээн дээр байх зүйлүүдээс өөрт хэрэгтэй шим тэжээлтэй хоол хүнсийг сонгож хэрэглэдэг болоход бидний сургалт чиглэгдэнэ. Сахар, нүүрс ус их орсон амттанаас түрүүлээд амин дэмээр баялаг ногоог сонгож гартаа барьж байвал зөв хооллолттой болж буйн илрэл болох учиртай. Хэт нэг талыг барьсан хоол хүнснээс татгалзаж зөв хооллож сурах нь эрүүл мэндийн байдал төдийгүй зан чанарын төлөвшилд чухал ач холбогдолтой. Хэт их сахар, тос агуулсан хүнс хэрэглэх нь хүүхдийн анхаарал төвлөрөлтийг сулруулж, ямар нэг зүйлд донтох эрсдэлийг нэмэгдүүлдэг. Тиймээс хоол хүнс гэдэг бол дан ганц идэж гэдэс цатгалан байхаас илүү зүйл гэдгийг бид ойлгож хооллолт болон хоол хүнсэнд маш их ач холбогдол өгч ажилладаг. Мах, гурил түлхүү хэрэглэдэг монголчуудын хоол хүнсний хэрэглээний хэвшлийг өөрчилөхөд хүүхдэд багаас нь хоол хүнс маш чухал гэдгийг ойлгуулж мэдүүлэхээс эхэлнэ. Мөн мах, ногоо, жимс зэрэг бусад хүнсний бүтээгдэхүүнийг сонгохдоо чанартай бүтээгдэхүүнийг найдвартай ханган нийлүүлэгчээс худалдан авдаг. Мэргэжлийн хоол зүйчийн хүүхдийн нас, хөгжил, улиралын онцлог байдал зэргийг харгалзан үзэж илчлэг, шим тэжээлийг нарийн тооцож хийсэн хоолны цэсээр хүүхдэд шим тэжээлтэй хоол хүнс бэлдэж өгдөг.

Хүүхэд нэг бүрт хүрсэн асаргаа, холимог насны ангийн сургалт

Эцэг эхийн хайр халамжтай дүйцэхүйц анхаарал, халамж, асаргааг цэцэрлэгтээ байх цаг мөч бүхэнд мэдрүүлэхийг эрмэлздэг. Хүүхэд нэг бүрийн онцлог, хүсэл сонирхолыг дээдэлж хүүхэд бүрт тохирсон асаргаа, сургалтыг явуулахыг зорин ажиллаж байна. Нэг бүлэгт 25-27 хүүхэд байх бөгөөд бага бүлгийн хувьд 24 хүүхдэд 3 багш, нэг багш 8 хүүхэдтай ажиллахаар байна. Дунд, ахлах, бэлтгэл бүлгийн хувьд 25-27 хүүхэдтэй, Ахлах багш болон туслах багш ажиллана. Багш өдөр бүр эцэг эхийн цахим харилцах дэвтэрт хүүхдийг тухай өдөр хэрхэн өнгөрүүлсэн талаар мэдээлэх бөгөөд хүүхдийн хөгжлийн ахицын үнэлгээг сар, улирал тутам хийж тэмдэглэл хөтлөн эцэг, эх, асран хамгаалагч нарт танилцуулна. Ингэснээр бид хүүхэд бүрийн хөгжлийн ахицыг хамтдаа үнэлж, хяналт тавих боломжтой болох юм. Холимог насны ангийн сургалт гэдэг нь нэг ангид 2-5 насны хүүхдийг нас, насаар нь нэг насны хүүхдийн тоо тэнцүү байхаар зохион байгуулна. Энэ нь ах эгч нараасаа суралцах боломж олгох бөгөөд ах, эгч нарын хувьд ч дүүдээ тус болох, хэл ярианы болон бусад нийгэмшихүйн хөгжилд сайн нөлөө үзүүлэх чухал ач холбогдолтой юм.

Сургалтын шилдэг арга зүйг нэвтрүүлэхийг зорьдог

Бид Сургуулийн өмнөх боловсролын цөм хөтөлбөрийг Япон улсын болоод бусад улс орны сүүлийн үеийн хүүхдийн хөгжлийн чиг хандлагын талаар байнга судалж тэргүүний шилдэг багш нарын сайн туршлагаас суралцаж хөтөлбөрөө байнга баяжуулж хөгжүүлж байдаг. Ялангуяа Япон улсын сургуулийн өмнөх боловсролын туршлагаас суралцан чанартай сайн сургалтын хэрэглэгдэхүүн, үзүүлэн таниулах материалыг сургалтандаа ашиглах зэргээр багш өөрийн багшлах, заах ур чадвар, арга зүйгээ тасралтгүй туршиж дээшлүүлж байдаг.

Мэргэжлийн чадварлаг баг, хамт олон

Сургуулийн өмнөх боловсролын бакалавр болон түүнээс дээш зэрэгтэй мэргэжлийн чадварлаг багш нарыг бүрдүүлсэн, багш нарын 40 гаруй хувь нь мэргэжлийн тэргүүлэх болон заах аргач зэрэгтэй. Хүүхдийн өсөлт, хөгжлийн чиглэлээр салбартаа тэргүүлэх мэргэшсэн чадварлаг гадаад, дотоодын мэргэжилтнүүдтэй идэвхитэй хамтран ажилладаг бөгөөд арга зүйгээр удирдан чиглүүлэх туршлагатай, чадварлаг мэргэжлийн зөвлөх багтай.

Хүүхэд бүр хүсэл, сонирхолын дагуу дугуйланд хамрагдах боломжтой

Зураг, Шатар Жампинг килэй- Баримлын шавар,Таеквондо, Балет, Бүжиг, Уран гимнастикийн дугуйлангууд тус тус хичээллэж байна. Бид дугуйлангуудыг чанартай явуулах, хүүхдийн хөгжилд үзүүлэх үр нөлөөг нэмэгдүүлэхэд анхаарч мэргэжлийн багш нарыг урьж ажиллуудаг. Эдгээр дугуйлангуудад хамрагдах нь хүүхдэд олон талаар хөгжих боломж олгох төдийгүй тэдний авъяас чадварыг нээн илрүүлэх зорилготой байдаг. Ямар нэг урлаг, спортын төрлөөр тууштай, тасралтгүй, үнэнчээр хичээллэхийн ач тусыг мэдрэх мөн урлаг, спорт нь хүнд ямар их урам, зориг, хатуужил, баяр баясгалан өгдөгийг мэдэрч, түүнд хүсэл сонирхолтой болгох ач холбогдолтой. Мөн цаашлаад ирээдүйн эрүүл чийрэг, идэвхитэй насанд хүрсэн иргэн болж төлөвшихөд эерэгээр нөлөөлнө гэж үздэг.

Төлбөрийн дундаж үнэ тарифтай

Бид манайхыг зорьж, итгэл хүлээлгэн ирсэн эцэг эхчүүд, асран хамгаалагч, хүүхдүүддээ чанартай, найдвартай үйлчилгээ үзүүлэхийг эрхэмлэдэг. Үйлчилгээний үнэ болон чанарын уялдаа холбоог чухалчилж, дундаж төлбөр, чанартай үйлчилгээ гэсэн зарчмыг баримтлан ажиллаж байна.

Боловсон хүчнийг чадавхижуулах цогц хөтөлбөр

Байгууллагын хүний нөөцийг чадавхижуулах ажилтнуудын ур чадварыг дээшлүүлэх чиглэлээр ажлын байран дээрээ тасралтгүй суралцах, хөгжих боломжоор хангах бодлого баримталдаг. Үүний тулд боловсон хүчнийг чадавхижуулах цогц хөтөлбөрийг Монгол, Япон улсад бага насны хүүхдийн боловсролын чиглэлээр мэргэшсэн эрдэмтэн, судлаач, багш нартай хамтран хэрэгжүүлж байна. Жил бүр Япон улсад туршлага судлах хөтөлбөрийг зохион байгуулж нийт багш, ажилтаны 40 хувийг уг хөтөлбөрт хамруулаад байна.

Хүүхдэд ээлтэй орчин

Орчин үеийн сургалтын тоног төхөөрөмж, техник хэрэгсэл, ном сурах бичиг, тоглоом, наадгай зэрэг сургалтын хэрэглэгдэхүүн, материаллаг бааз бүхий хүүхдэд ээлтэй сургалт, хөгжлийн орчинг бий болгосон. Манай цэцэрлэгийн ханын цаас, шал, хаалга зэрэг нь олон улсын чанарын стандартад нийцсэн бөгөөд дотоод засал чимэглэлийг материал нь хүний биед хор, гаж нөлөөгүй бүтээгдэхүүнийг сонгон авч хийсэн. Бид хүүхдийн өдөр тутам хэрэглэх тоглоом, наадгай, сургалтын хэрэглэдэхүүнийг сонгохдоо хүүхдийн эрүүл мэндэд сөрөг нөлөөгүй, чанартай бүтээгдэхүүнийг найдвартай ханган нийлүүлэгчээс худалдан авдаг.

Хүүхэд хөгжлийн төв

2017-2018 оны хичээлийн жилд Шатар, Балет, Бүжиг, Жампинг килэй- Баримлын шавар, Зургийн дугуйлангууд тус тус хичээллэнэ. Жампинг килэй- Баримлын шаварын дугуйланд бүх хүүхдүүд хамрагдах бол бусад дугуйлангуудааас 2 дугуйланг сонгож хичээллэнэ. Бид дугуйлангуудыг чанартай явуулах, хүүхдийн хөгжилд үзүүлэх үр нөлөөг нэмэгдүүлэхэд анхаарч мэргэжлийн багш нарыг урьж ажиллуулна. Эдгээр дугуйлангуудад хамрагдах нь хүүхдүүд олон талаар хөгжих боломж олгоно. Ямар нэг урлаг, спортын төрлөөр тууштай, тасралтгүй, үнэнчээр хичээллэхийн ач тусыг мэдрэх мөн урлаг, спорт нь хүнд ямар их урам, зориг, хатуужил, баяр баясгалан өгдөгийг мэдэрч, түүнд хүсэл сонирхолтой болгох ач холбогдолтой. Мөн цаашлаад ирээдүйн эрүүл чийрэг, идэвхитэй насанд хүрсэн иргэн болж өсөхөд эерэгээр нөлөөлнө.

ХӨГЖМИЙН ДУГУЙЛАН

✅ Хөгжим нь хүүхдийн математик сэтгэхүй, сэтгэн бодох чадварыг хөгжүүлдэг.
✅ Сэтэн бодох чадвар, анализ, дүгнэлт хийх чадвар хөгжинө.
✅ Хөгжмийн хичээл хүүхдийг хүрээлэн байгаа орчин болон хүмүүстэй харьцах, дасан зохицох өндөр чадварт сургана.
✅ Хөгжмийн боловсролтой хүн өрөвч нинжин, сайхан сэтгэлтэй болох ба хүнээс маш их хөдөлмөр шаарддаг тул энэ нь түүнийг хатуу чанга, сэтгэлийн тэнхээтэй болгодог.

УРАН ЗУРГИЙН ДУГУЙЛАН

✅ Хүрээлэн байгаа орчны юмс, үзэгдлийн талаарх ойлголт төсөөлөл, санаа бодлоо зураг, бүтээлээрээ бүтээлчээр илэрхийлнэ
✅ Эд юмсыг өнгө дүрс, хэлбэр хэмжээ, хөдөлгөөнөөр нь илэрхийлж сурна
✅ Дүрслэх урлагийг сонирхон таашаах мэдрэмж болон бүтээлч сэтгэлгээ хөгжинө
✅ Нүдний ур, Гарын ур, Сэтгэхүйн ур чадвар маш ихээр сайжирч хөгжинө
✅ Тогтоох чадвар сайжирхаас гадна тэвчээртэй, хүлээцтэй болж хөгжинө
✅ Өнгө болон гоо зүйн мэдрэмжийг нэмэгдүүлэх нь хүүхдийг өөдрөг болгож өгдөг
✅ Анхаарлыг төвлөрүүлж, тайван амгалан байхад тусална

jumpingclay буюу БАРИМЛЫН ШАВРААР ГАР УРЛАЛ ХИЙХ

✅Амралт- Барихад зөөлөн, ашиглахад тааламжтай сэтгэгдэл төрүүлдэг
✅Бүтээлч сэтгэлгээ - Өөрийн хүссэн зүйлээ бодитоор бий болгох
✅IQ дээшлэх - Эд юмсыг олон талаас нь харж сурах, биесийн талаар ойлголтоо гүнзгийрүүлэх
✅өвлөрөл - Ажиглалт, анхаарлаа төвлөрүүлэх зэрэг чадвар нь мэдэгдэхүйц дээшилдэг
✅Уран бүтээлч сэтгэлгээ - Төсөөллөө бодит зүйл болгосноор уран бүтээлч сэтгэлгээ хөгжих
✅Өөртөө итгэх итгэлтэй болох - Өөрийн бодсоноо бодитоор хэрэгжүүлж чадсанаар хүүхэд илүү өөртөө итгэх итгэлтэй болно

балетын дугуйлан

✅ Хөгжмийн сонсгол, гоо зүйн болон урлагийн мэдрэмж хөгжинө.
✅ Сэтгэл санаа болон бие галбирын гоо сайхныг төлөвшүүлдэг.
✅ Хүний булчин,шөрмөс,үе мөчний суналт болон агшилтын идэвхтэй үйл ажиллагааг хангаснаар уян хатан байдал сайжирах төдийгүй идэвхитэй хөдөлгөөн нь оюун ухааны хөгжлийг дэмжинэ.
✅ Биеэ зөв авч явах болон, бусадтай зөв боловсон, соёлтой харилцахад суралцана.
✅ Тэсвэр, хатуужилтай болно.
✅ Бусдыг хүндлэх, эрэгтэй, эмэгтэй хүмүүсийн ялгааг ойлгож мэдэрдэг болох гэх мэт маш олон зүйлд хүүхдүүд маань балет бүжгээр хичээллэснээр суралцаж байна.

орчин үеийн бүжгийн дугуйлан

✅ Сэтгэлийн болон Бие бялбарын тэвчээртэй болж хөгжинө
✅ Биеийн уян хатан чадварыг нэмэгдүүлэхээс гадна бүжгийн эвсэлтэй болно
✅ Хөгжмийн сонсгол болон урлагийн мэдрэмжийг хөгжүүлнэ
✅ Бүжгийн хөдөлгөөнүүдийг цээжилснээр сэтгэн бодох, ой тогтоолт сайжирна
✅ Байнгын хөдөлгөөн нь дархлааг дэмждэг учир өвчин тусахаас сэргийлнэ

шатрын дугуйлан

Шатар нь анхаарал төвлөрүүлэх, сэтгэн бодох чадварыг хөгжүүлэх, бага насны хүүхдийг нэг зүйлийг удаан хийж, сууж сургах зорилготой. Шатрын дугуйлангийн хүүхдүүд шатрын дүрсийг өрж, шатрын нүүдлийг сурж, эсрэг талын дүрсүүдийг идэж тоглож сурна. Дэлгэцэнд дурлах байдал ихсэж байгаа үед оюун ухааны спорт болох шатрыг хүүхдүүд тоглож сурснаар чөлөөт цагаа зөв өнгөрүүлэхэд чухал ач холбогдолтой.

спорт өрөлтийн дугуйлан

Бүх насныхан спорт өрөлтөөр хичээллэх боломжтой байдаг нь тус спортын хамгийн гол давуу тал юм. Түүнээс гадна энэ нь хөгжилтэй, өрсөлдөөнтэй байхын зэрэгцээ эхлэн суралцахад хялбар учир хүн бүрт нээлттэй. Мөн өрөлт хийх үед үндсэн 70 гаруй хөдөлгөөнийг хийдэг тул хүүхэд идэвхтэй, бие бялдарын хувьд эрүүл байх үндэс болно. Түүнчлэн хоёр гарыг тэнцвэртэй ашигладаг учир хоёр тархийг идэвхжүүлэхэд онцгой нөлөөтэй. Багш нар хичээлийн үеэр сурагчдын идэвхи буурсан үед эсвэл хичээлийн завсарлагаанаар спорт өрөлтөөр сурагчдаа хичээллүүлж тархийг нь сэргээж, урам зоригийг нь нэмэгдүүлдэг.

✅ Хоёр гарыг хянаж байдаг баруун, зүүн тархийг хөгжүүлэх
✅ Хөдөлгөөнд суурилсан спорт учир идэвхтэй, бие бялдарын хувьд эрүүл байх,
✅ Гар, нүдний зохилдлогоог сайжруулах,
✅ Олон өнгө хольж хийх нь бүтээлч сэтгэлгээг хөгжүүлэх,
✅ Анхаарал төвлөрөлтийг нэмэгдүүлэх, тархийг идэвхжүүлэх,
✅ Түргэн шаламгай байдал, рефлексийг бий болгох,
✅ Мэдрэмжийг дээшлүүлэх,
✅ Орон зайг зохицуулах,
✅ Багаар ажиллах чадварыг нэмэгдүүлэх,
✅ Спортын зан чанарыг төлөвшүүлэх,
✅ Олон нийтийн уралдаан тэмцээнд оролцож өөртөө итгэх итгэлийг бий болгох,
✅ Өрсөлдөөний дарамтыг даван туулах зэрэг олон талын ач холбогдолтой спортын цоо шинэ төрөл юм.

Эцэг эхчүүдийн сэтгэгдэлБЯЦХАН МОНГОЛ ЦЭЦЭРЛЭГТ ЯВЖ БУЙ ЭЦЭГ ЭХЧҮҮДИЙН СЭТГЭГДЭЛЭЭС ...

Нас ахиж гаргасан хүүгээ цэцэрлэгт оруулахын тулд 2016 онд бид нилээд судалгаа хийсэн юм. Миний уншиж судалснаар “Цэцэрлэг” гэдэг бол зүгээр нэг цаг нөгцөөх газар биш байгаа. Өөрөөр хэлбэл доорхи шаардлагуудыг биелүүлэх ёстой байв. Үүнд:

1. Эрүүл аюулгүй орчинг бүрдүүлэх-цэцэрлэгийн зориулалттай байр, тоглоом хэрэгсэл, ариун цэврийн шаардлагууд, хоол хүнс

2. Хүүхдэд хандах хандлага-багш нь найз нь байх, хүүхэд өөртэй итгэлтэй нээлттэй болох, хүүхдийг ойлгох

3. Хүүхэд хөгжил-тоглоомын замаар сургах, хэт их мэдлэг олгож хашраахгүй байх, сурах мэдэх дуртай болох, багш нараа сургах

4. Сургуульд бэлтгэх

Энэ олон хүсэл маань сүүлдээ томоохон судалгаа болж 30 гаран цэцэрлэгийг судалсны эцэст миний шаардлагад хамгийн их нийцсэн Бяцхан Монгол цэцэрлэгийг олсондоо маш их баяртай байдаг. Ийм сайхан бүхнийг бүтээж яваа хамт олонд улам их амжилт бүтээлийг хүсье.

<< Бяцхан монгол дөрвөн улирал цэцэрлэгийн Дунд бүлгийн сурагч Д.Занабазарын ээж >>